ԱՆՏՈՆՅԱՆ Գուրգեն Գերասիմի ծնվել է 1911 թվականի հունվարի 3-ին Կուսապատ գյուղում (այժմ՝ ԼՂՀ Մարտակերտի շրջանում): Գրականագետ: Բանասիրական գիտությունների դոկտոր (1955), պրոֆեսոր (1955): Ադրբեջանի ԽՍՀ գիտությունների վաստակավոր գործիչ: Ավարտել է ԵՊՀ (1933): 1947-74-ին՝ Ադրբեջանի (Բաքու), 1974-84-ին՝ Ստեփանակերտի մանկավարժ, ինստ-ների հայոց լեզվի և գրականության ամբիոնների վարիչ: Աշխատությունները վերաբերում են հայ-ադրբեջանական գրականության կապերին, հասարակական մտքին («Նիզամին և հայ գրականությունը», 1947, «Սամեդ Վուրղուն», 1958, «Հայ-ադրբեջանական բարեկամությունը գրականության մեջ», 1962): Մահացել է 1984 թվականի մայիսի 7-ին Բաքվում:  

Գրականության ցանկ

«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:

 
ՀՀ, ք. Երևան, Ալեք Մանուկյան 1,
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armenianlanguage.am