ՎՇՏՈՒՆԻ Ազատ. Մամիկոնյան Կարապետ Սեթի. ծնվել է  1894 թվականի հուլիսի 17-ին Վանում: Բանաստեղծ, հասարակական գործիչ: Սովորել է Վանի Երամյան վարժարանում, ավարտել Կ. Պոլսի Կեդրոնական վարժարանը (1911), սովորել Սորբոնի համալսարանի գրական-փիլիսոփական ֆակուլտետում: 1914-ին հաստատվել է Թիֆլիսում: Մասնակցել է հայ կամավորական շարժմանը, կովկասահայության մշակութային կյանքին, հրատարակել «Կամաւորի յուշատետրից» (1915) պատմվածքների ժողովածուն: 1921-ին Հայաստանի կառավարության գործուղմամբ մեկնել է Իրան և Իրաք՝ հայրենադարձությունը կազմակերպելու առաքելությամբ: 1922-ին Ե. Ա. Չարենցի, Գ. Ա. Աբովի հետ հրապարակել է «Երեքի դեկլարացիան»՝ տուրք տալով ժամանակաշրջանի գրական ծայրահեղ ըմբռնումներին: Հայաստանի պրոլետարական գրողների ընկերակցության նախագահ (1922-23): Խմբագրել է «Մուրճ» (Երևան), «Դիրքերում» (Թիֆլիս), «Մուրճ ու մանգաղ» (Դոնի Ռոստով), «Խորհրդային արվեստ» (Երևան) պարբերականները:

Վշտունու վաղ շրջանի բանաստեղծություններում («Սրտիս լարերէն», 1915, «Բանաստեղծութիւններ», 1918) հիմնականում գերիշխել են սիրո, հայրենիքի, մարդկային կարեկցանքի, թախծի թեմաները: Վշտունին գովերգել է Հայաստանի վերածնունդն ու առաջընթացը [«Հուգանք և գանգ», 1923, «Neo orientalia» (Զարթնող Արևելքի երգեր), 1925, «Արևելքը հուր է հիմա», 1927, «Ռամ Ռոյ», 1936, «Երբ կայծակը փայլատակում Է», 1942, «Հատընտիր», 1944]: Մահացել է 1958 թվականի մարտի 26-ին Երևանում:  

Գրականության ցանկ

«Ով ով է: Հայեր» հանրագիտարան, հատոր երկորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:

Երկ Երկ. ժող., Ե., 1947: 

Երկ., Ե., 1956: 

Երկ., հ 1, 2, Ե., 1960, 1961: 

Ընտիր Երկ., 1971: 

Բանաստեղծություններ և պոեմներ, Ե.. 1954:

Գրկ. Ղազարյան Հ., Ազատ Վշտունի, Ե., 1959:

 

ՀՀ, ք. Երևան, Ալեք Մանուկյան 1,
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armenianlanguage.am